Nakumbuka mwaka ambao nilikosa mkopo wa Elimu ya juu
Hivyo kulazimika kurudi Dar es Salaam kuanza upya kutoka iringa
Kumbuka (niliuza vitu vyangu vya ndani ili kufanya maandalizi ya awali ya chuo na bado nikakosa mkopo)
Nilipofika Dar sikuwa na kitu chochote cha kuanzia hivyo kulazimika kutafuta kazi
Kazi ya kwanza ilikuwa usafi wa ofisi (pale banana AVIATION yaani mamlaka ya usafiri wa anga) nilipata kazi ya usafi kwa connection ya mama mmoja rafiki yangu (alikuwa ndugu wa mmiliki kwenye kampuni ya usafi)
Nilifanya kazi pale kwa wiki moja, changamoto kubwa ilikuwa mahala pa kuishi maana sikuwa na chumba pia sikutaka kabisa kukaa kwa ndugu yoyote na hata ndugu sikutaka wajue kama nimekosa mkopo na nimesha rudi dar (hawakuwa na msaada wowote ule zaidi wangezidi kunicheka)
Baada ya kuona sina mahala rasmi pakuishi, changamoto za usafiri pamoja na chakula +mshahara wa laki na nusu na bado nataka kutunza pesa ili mwaka utakaofata nirudi kusoma,
Niliona kabisa sitoweza ile kazi hivyo nikamuomba tena yule dada rafiki yangu anitafutie tena kazi nyingine ya ndani (housemaid)
Uzuri wa kazi ya ndani ni kula na kulala bure +uwezo wa kutunza pesa japokua nilipata kwa mshahara wa laki moja.
Sasa kuna dada mwingine ambae ni mdogo wa yule dada rafiki yangu aliyenitafutia kazi
Huyu binti alikuwa mrembo sana (mzuri mno kwa sura na umbo aise)
Hakuwa na kazi licha ya Degree ya ualimu aliyokuwa nayo miaka mitatu toka ahitimu masomo yake
Hivyo alikuwa anakaa kwa dada yake kwa matumaini ya kupata kazi serikalini (hakutaka kabisa kazi nje ya Elimu yake).
Baada ya kupata kazi yangu ya ndani, niliwaza kwanini yule dada asiende pale AVIATION kushika ile nafasi yangu niliyoiacha!
Kwanini anakubali kupoteza muda kusubiri ajira isiyo na matumaini?
Kwani atapungukiwa nini kufanya pale kazi angalau apate pesa za vocha?
Pia kwa uzuri wake alionao + Elimu yake atakutana na watu wengi wanaoweza kumshika mkono
Kumbuka ofisi ya mamlaka ya usafiri wa anga kuna mabosi wazito sana, wenye pesa zao na connection kubwa kubwa za maana tu
Mimi ningeweza kubaki shida ilikuwa sehemu ya kukaa (japo nilipata mtu wa kuishi nae Ila siwezi elezea zaidi maana kila mmoja anajua maisha ya dar na kuishi kwa mtu)
Niliamua kumshauri yule binti (tayari tulikuwa na mawasiliano)
Mwanzo alikataa sana na alisema hawezi fanya kazi za aina ile kabisa maana hana shida ndogo ndogo!
(pia alikuwa na kiji boyfriend wanacho danganyana)
Ila sikuacha kumpa ushauri kila siku mpaka ndani ya wiki moja hivi alikubali kufanya kazi (alisema nafanya kwa vile sitaki kukuvunja moyo Ila hii sio type yangu na ndani ya mwezi tu ntaacha)
Nilifurahi sanaa kuona nimeweza kumshawishi na kweli alienda kuanza kazi pale japo mwanzo aliona shida maana hajazoea kazi ngumu
Kila siku ilikuwa lazima anipigie simu eti anaacha kazi,
Niliendelea kumpa moyo kuwa ataozea tu ajikaze maana mwanzo huwa mgumu sana.
Guess what baada ya kupata mshahara wa kwanza hakuacha kazi, alizoea na kuacha kulalamika
Alipata marafiki wapya bila kusahau sponsor wa kumbustisha maisha (sio jambo zuri Ila kwa mazingira yale asingeweza kumkataa mtu anae mpa maisha zaidi)
So maisha yakawa laini kwake, alipendeza akabadilika na mwisho alihama kwa dada yake na kwenda kujitegemea!
Baada ya mwaka yule sponsor alimpa connection ya kazi (kigamboni kwenye zile kampuni za mafuta na gas)
Yes mjini hapa connection ndio kila kitu na mpaka sasa yule dada ana maisha mazuri siwezi kusema kwa kiwango gani Ila haachi kunishukuru.
Jiulize angeendelea kukaa kwa dada yake kusubiri ajira za CCM angepata lini?
Angeendelea kulala ndani, saa ngapi angekutana na sponsor?
Angetoa wapi connection ya kazi ambayo kwa sasa inamlipa zaidi ya mshahara wa Ualimu?
So siku zote ni bora kutoka kutafuta upate chochote kuliko kukaa ndani
Bora utoke uonekane nje hii itakusogeza karibu na bahati nasibu kuliko kukata tamaa ukiwa ndani
Toka fanya kazi yoyote nje huku ukiendela kungoja kazi nzuri zaidi unayotamani
Jichanganye mahala popote unapopata riziki usijione cake sana kisa uzuri na Elimu yako
Muda haukusubiri na mafanikio huenda kwa anaeyatafuta.
