Kadiri unavyoona tatizo, kisha ukaamua kuchunguza tatizo kwa undani basi lazima utakutana na tatizo ambalo litaongeza ukubwa wa tatizo la mwanzo.
Wakati mwingine matatizo huepukika kwa urahisi zaidi kama utaamua kuyaacha kama yalivyo..
Jifanye kipofu na kiziwi kwenye vitu ambavyo havina umuhimu sana kwenye maisha yako
Kadiri unavyotaka kuchunguza kuhusu jambo fulani ndivyo ukubwa wa jambo huibuka!
Kuna baadhi ya matatizo hupaswa kuachwa kama yalivyo ili kuondoa tatizo kubwa zaidi.
Acha mambo madogo madogo yapite hasa kama hayana umuhimu mkubwa sana wala hayawezi kuathiri au kugusa kwa ukubwa maisha yako moja kwa moja.
“Chukua mfano huu rahisi”
Dunia tuliyonayo(Anga) imejaa kila aina ya bakteria (wadudu wadogo wadogo) ambao hawaonekani kwa macho ya kawaida mpaka kifaa maalumu (microscope)
Hawa wadudu ni wengi sana kwenye uso wa Dunia na anga nzima kwa ujumla, wanaishi kama tunavyoishi sisi viumbe hai wengine,
Ila kwakua hatuna vifaa, hivyo hatuwezi kuwaona kwa macho yetu yakawaida kabisa
Hili limefanya tusione kama ni tatizo kabisa na maisha yanaendelea kawaida kwa kila mmoja wetu,
Ila watu wangekuwa na kifaa maalumu chakujua wingi wa wadudu wanao tuzunguka basi hakuna ambae angetoka hata mlangoni kwake!
Wingi wa bakteria wanaozunguka angani hakuna ambae angeweza hata kuona mbele…
Hofu ingefanya kila mmoja kujifungia ndani kwake, na maisha sijui yangeendeshwaje.
Ila kwakuwa hatuna kifaa hicho yaani microscope basi imefanya tatizo pia kutowepo japokuwa lipo!
Tatizo limefunikwa kwa ukosefu wa kifaa na ufahamu wa sayansi kwa watu wengi sana isipokuwa wachache wanaojua pekee
Maisha yanaendelea kwasababu tatizo halina madhara (tatizo halina tatizo) hivyo ni kama hakuna tatizo kabisa.
Ukipenda sana kuchunguza mambo basi lazima utaibua jambo hata kama jambo hilo halikuwa na uzito mkubwa.
Wenza walioishi miaka mingi sio kama hawana changamoto za ugomvi, bali wameamua kupuuza ugomvi usio na tija
Waajiriwa waliodumu muda mrefu kazini, sio kama hawana changamoto za kazi.. Bali wameamua kuzingatia majukumu yao badala ya kuzingatia matatizo mengine
Marafiki wanaopenda miaka mingi, sio kama hawana shida baina yao bali wameamua kuupa uzito urafiki wao badala ya changamoto ndogo ndogo.
Maisha hayataki microscope kugundua matatizo mara zote
Bali maisha yanataka upofu kwenye baadhi ya vitu visivyo na tija sana kiasi cha kuibua tatizo zaidi.
Ukitaka kuwa na furaha, kuishi na watu vizuri au hata kutimiza malengo yako basi jifunze kuwa kipofu badala ya kuwa kama microscope kwenye mambo yasiyo na msingi.
